Топ пет најниски плати во Македонија

Најниска просечна плата е регистрирана во дејноста производство на кожа и слични производи од кожа – 23.579 денари, бруто, следи дејноста заштитни и истражни дејности – 24.700 денари, па дејноста туристички дејности и туроператори и останати резервациски услуги и дејности поврзани со нив – 25.542 денари, следи дејноста производство на облека – 26.173 денари и услуги поврзани со одржување на згради и уредување и одржување на животна средина и природа – 26.218 денари.

Кој зема најголема плата во Македонија?

Дури 70.551 денар била просечната плата во март во дејноста компјутерско програмирање, говорат најновите податоци на Државниот завод за статистика.

Плата над 70 илјади денари програмерите земале и во претходниот месец, надминувајќи ја на тој начин одамна „шеестката“, а сега и „седумдесетката“, нешто што е сон на многумина вработени во земјава.

Далеку зад нив, но сепак со солидни во просек 48.734 денари се вработените во областа телекомуникации.

Во дејноста производство на основни фармацевтски производи и фармацевтски препарати, пак, земаат просечна плата од 46.501 денар плата.