Стопанската комора: Или помош од Владата или затворање на големите фирми поради цените на струјата

Процесот на отпуштање работници, намалување на производството и затворање на капацитетите е веќе почнат, но тоа може да ескалира следните два месеци кога ќе се склучуваат договорите за снабдување со струја за наредната година. Од Стопанската комора потенцираат дека сите компании од регионот и пошироко добиваат помош од државата, додека македонските фирми се оставени сами да се снаоѓаат.

Премиерот Димитар Ковачевски вели дека ја разбира тешката состојба во која се наоѓаат компаниите, но државата се уште нема договор за снабдување со гас од Србија, нема ниту детали дали земјата ќе добива струја од Бугарија и Турција. Иако беа најавени за претходната недела, Владата се уште ги крои мерките со кои треба да им помогне на фирмите и граѓаните да ја пребродат енергетската криза.