Стипендии за студии и истражувања во Словенија за академската 2021/22

Врз основа на Протоколот меѓу министерствата за образование на нашата земја и на Словенија од 2016 година, словенечкото Министерство за образование, наука и спорт доделува стипендии за студенти, дипломирани лица и докторанди од Република Северна Македонија на високообразовните институции во Република Словенија за академската 2021/2022 година.

Дваесет и четири месечни стипендии се однесуваат за студиско усовршување на високообразовните институции во таа земја, со поединечно времетраење од три до шест месеци, за кандидати до 26-годишна возраст.

Три стипендии се едносеместрални, секоја по четири месеци, за студенти по словенечки јазик на Универзитетот „Св. Кирил и Методиј” во Скопје, и две стипендии се за посета на двонеделниот летен курс по словенечки јазик и се наменети, исто така, за студенти по словенечки јазик на УКИМ.