“Сите на велосипед” по 18-ти пат во Прилеп – Може да учествуваат од најмали до најстари!

По повод Денот на сесловенските просветители „Свети Кирил и Методиј“ утре во Прилеп, по 18-ти пат ќе се одржи спортско-рекреативната манифестација “Сите на велосипед”

Стотици велосипедисти од најмала до најголема возраст ќе возат до населеното место Мало Коњари и назад, а целта на трката е да се промовира велосипедот како еколошко и најприфатливо средство за патување кое не ја загадува животната средина.

Стартот е закажан во 12 часот пред “реклами”, a ќе се вози до ООУ “Страшо Пинџур” во Мало Коњари.

Предвидени се награди за најмлад и најстар учесник, а организаторите – Велосипедскиот клуб “Илинден” во соработка со општина Прилеп, имаат обезбедено освежување и закуска за сите учесници.