СЛУШАЈТЕ ВО ЖИВО

Култура

Почнува 45. издание на Денови на македонската музика

Од денеска до 30 април ќе се одржува четириесет и петотто издание на фестивалот „Денови на македонска музика, кој се одржува под покровителство на Претседателот Стево Пендаровски.

„Денови на македонска музика“ свечено ќе бидат отворени со Гала концерт на солистите, хорот и оркестарот на Националната опера и балет. На програмата на концертот се дела инспирирани од богатата македонска фолклорна ризница, исткаени во уметнички бисери преку творечките пера на композиторите Тодор Скаловски, Стојче Тошевски, Љупчо Константинов, Тодор Трајчевски и Драган Даутовски. Под диригентската палка на маестро Вања Николовски – Ѓумар, како солисти ќе настапат сопранот Ана Ројдева, тенорот Јане Дунимаглоски, виртуозот на македонските народни инструменти Драган Даутовски на гајда и Ратко Даутовски на тапани.

Четириесет и петотто издание на „Деновите на македонска музика“ опфаќа 16 концерти и пет дополнителни настани, музички средби и трибина.

„Деновите на македонска музика“ е фестивал на нашите простори што овозможува македонското музичко творештво да создава во континуитет, како традиција, сведоштво за минатите, сегашните и идните времиња.

„Деновите“ традиционално се поддржани и од Министерството за култура.

Прикажи повеќе

Холидеј

Радио Холидеј е приватна радио станица - концесионер која со квалитетен сигнал го покрива регионот на Општина Прилеп, Крушево, Македонски Брод, Демир Хисар, Битола и поширокиот Пелагониски регион.

Поврзани објави

Прочитај повеќе:
Close
Back to top button
Skip to content