Музички рецитал со Олег Маршев на „Интерфест“ во Битола

Фестивалот на класична музика „Интерфест“ продолжува со музички рецитал и со дела од Шопен и Скрјабин кои ќе ги изведе Олег Маршев, пијанист од руско потекло кој живее во Австрија.

На вечерниот концерт му претходат три мајсторски школи кои во текот на денот ќе ги приредат македонските професори Кирил Рибарски и Васо Ристов, а во 15 часот мајсторска школа ќе одржи познатата уметница од Казахстан Ајман Мусакаџајева, воедно артист на УНЕСКО.

На „Интерфест“ во Битола музички рецитал ќе има и утревечер на кој ќе настапи гостинот од Австрија Карл Ајшингер, а фестивалот ќе заврши на 12. октомври.