Денеска е Преподобна маченичка Анастасија Римјанка и св. мач. Кирил
Според календарот на МПЦ (Јулијанскиот календар) денеска е 29 октомври.
Денеска е Преподобна маченичка Анастасија Римјанка и св. мач. Кирил.
Света Анастасија се роди во Рим од благочестиви родители. На тригодишна возраст остана сираче и ја прибра еден манастир, во кој игуманија беше некоја Софија. Поминаа 17 години и света Анастасија се прочу меѓу христијаните по доблесниот живот, а меѓу паганите по убавината.
Кога тогашниот градоначалник слушна за неа, испрати луѓе да му ја доведат. На судот, света Анастасија изјави дека е христијанка и беше ставена на маки. Додека ја измачуваа, таа два пати побара вода.
Некој христијанин, по име Кирил, и пристапи и ја напои. Заради тоа му ја отсекоа главата. Најпосле, и света Анастасија ја изведоа надвор од градот и ја погубија, а Софија го најде нејзиното тело и чесно го погреба. Света Анастасија и свети Кирил пострадаа за Христа за време на Декиј (249-251).
Католички календар: Денеска е Св. Мартин, бискуп на градот Тулуз во Франција.
Роден е во Панонија, во 316 година, во паганско нехристијанско семејство. Бил офицер во римската војска, но и добар христијанин. Се одрекол од војничката служба и станал калуѓер.
Бил избран за бискуп на градот Тулуз и успешно ја ширел христијанската вера и им помагал на сиромашните.