Делницата Велес – Градско затворена за сообраќај од 08 до 18 часот

Поради асфалтирање на Регионален пат Р1102, делницата Велес – Градско до 23 септември ќе биде затворена за сообраќај во периодот од 08:00 – 18:00 часот, извести АМСМ.

Сообраќајот на државните патишта се одвива непречено, по суви коловози.

Интензитетот на сообраќај на патните правци надвор од градските средини е умерен. На граничните премини од македонска страна, нема подолги задржувања за влез и излез од државата.

АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.