Дали водата во Прилеп е исправна и чиста?

Изминатите два дена на социјалните мрежи се водат полемики околу тоа дали водата за пиење во Прилеп е исправна и чиста. Од Јавното комунално претпријатие Водовод и канализација информираа дека издашноста на изворот Суденчица е на многу ниско ниво, и поради тоа претпријатието ги стави во употреба бунарските постројки.

Коментарите на граѓаните пак се дека водата за пиење во одредени делови од градот има некаква миризба и дека создржи големи количества на хлор.

Од Водовод смируваат и велат дека водата е безбедна за употреба:

-Како што информиравме претходно, бунарските постројки ќе бидат ставени во водоводната мрежа. ЈКП”Водовод и канализација”Прилеп го провери квалитетот на водата и истата ги задоволува потребните квалитети – напишаа од претпријатието на ФБ.

Исто така од јавното претпријатие повикуваат граѓаните максимално рационално да ја корирстат водата и да покажат лична одговорност.