Вечерва погледнете во небото, ќе има неверојатна глетка

Доколку небото е ведро, а загадувањето минимално, ова се настаните во кои ќе можеме да уживаме во текот на ноември:

4-5. НОЕМВРИ / ТАУРИД, МЕТЕОРСКИ ДОЖД

Ова е помал метеорски дожд кој на својот врв произведува приближно 5-10 метеори секој час. Ова е многу специфичен дожд од метеори, бидејќи не потекнува од едно небесно тело, туку од две. Првиот е астероидот 2004 TG10, а вториот е кометата 2P Encke, односно нејзините остатоци. Станува збор за долготраен метеорски дожд кој се случува секоја година од 7-ми септември до 10-ти декември, а годинава го достигнува својот максимум ноќта меѓу 4-ти и 5-ти ноември.

8 НОЕМВРИ / ПОЛНА МЕСЕЧИНА (ДАБАР МЕСЕЧИНА)

Оваа полна месечина била позната меѓу раните северноамерикански племиња како Месечината на Дабарот, бидејќи тие поставувале замки за дабарите пред мочуриштата и реките да замрзнат. Позната е и како Замрзната Месечина и Темната Месечина. Оваа фаза ќе започне точно во 12:03 часот.

8 НОЕМВРИ / ЦЕЛОСНО ЗАТЕМНЕЊЕ НА МЕСЕЧИНАТА

Целосното затемнување на Месечината се случува кога Месечината целосно ќе влезе во Земјината сенка. Во овој тип на затемнување, Месечината полека ќе се затемни додека не добие црвеникава или темноцрвена боја во моментот на целосно затемнување. Затемнувањето ќе биде видливо од источна Русија, Јапонија, Австралија, Тихиот Океан и западна и централна Северна Америка.

9 НОЕМВРИ / УРАН ВО ОПОЗИЦИЈА

Оваа сино-зелена планета ќе биде на најблиското растојание од Земјата и ќе биде најсветлата во текот на годината. Уран ќе биде видлив цела ноќ, па затоа ова е најдобро време да го набљудувате. Поради големата оддалеченост, ќе се појави како сино-зелена точка само во окуларот на најмоќните телескопи.

17-18 НОЕМВРИ / МЕТЕОРСКИ ДОЖД – ЛЕОНИДИ

Леонидите се метеорски дожд со средна големина што произведува околу 15 метеори на час на својот врв. Овој метеорски дожд е многу специфичен, бидејќи има периодичен врв на 33 години, кога во својот максимум може да се забележат и до 1000 метеори на час. Последниот таков максимум се случи во 2001 година. Метеорскиот дожд Леонид ги претставува остатоците од кометата Темпел-Татл, откриена уште во 1865 година.

Секоја година може да го очекуваме од 6 до 30 ноември, а годинава неговиот максимум ќе биде во ноќта помеѓу 17 и 18 ноември. Втората четвртина месечина ќе прикрие многу метеори, но со непредвидливоста на метеорскиот дожд Леонид и небото со мало светлосно загадување, сè уште можете да бидете сведоци на спектаклот. Тие ќе се појават од соѕвездието Лав, но ќе се видат и на други делови од небото.