Бундестагот ја усвои резолуцијата за Македонија, ЦДУ беше против

Со гласовите на парламентарните групи на коалициските партнери во владата, доцна ноќта во четвртокот, 15 јуни, германскиот Бундестаг ја одобри резолуцијата за Македонија и нејзиниот пат кон ЕУ предложена од СПД, Алијанса 90/Зелени и ФДП. Со неа „треба активно да се поддржи Северна Македонија на нејзиниот пат кон Европската унија“, соопшти прес-службата на парламентот. Опозициската парламентарна група на ЦДУ/ЦСУ, сестрински партии на ВМРО-ДПМНЕ во Европската народна партија, беа против оваа резолуција за Македонија. На усвојувањето му претходеше получасовна расправа на десетина пратеници.

Предлогот на пратеничката група на ЦДУ/ЦСУ со наслов „Обновете ја ЕУ перспективата за државите од Западен Балкан со посветена политика“, доставен уште во јуни 2021, беше отфрлен со гласовите на сите останати пратенички групи.

Парламентарни групи на коалициските партнери сакаат активно да се поддржи Северна Македонија на нејзиниот пат кон Европската унија. Во својот апликација тие ја повикуваат федералната влада, меѓу другото, „билатерално и во Советот на ЕУ категорично да го промовира отворањето на првите преговарачки кластери со Северна Македонија и да се повика на подготвеноста без преседан на земјата за европска интеграција, што е пример за целиот регион“.

„Со оваа резолуција им оддаваме длабока почит на македонскиот идентитет, јазик, култура и историја“, порача од говорницата министерката за Европа во германското МНР, Ана Лирман, која го претстави предлогот пред пратениците. Лирман најави дека наскоро повторно, по четврти пат во последната година, ќе дојде во Скопје заедно со нејзините колеги од Франција и Полска во обид да се охрабрат уставните измени.

„Граѓаните ја губат вербата во ЕУ перспективата. Мора да ја вратиме довербата во ЕУ и да ги искористиме сите можности за да ги охрабриме нашите партнери во Северна Македонија“, рече Лирман најавувајќи ја посетата. Според неа, уставните измени го зајакнуваат мултиетничкиот карактер на државата.

„Тврдењата дека ова ќе го загрози идентитетот се погрешни. Вметнувањето дополнителни заедници во Уставот, напротив само ќе го зајакне мултиетничкиот карактер на државата која е пример за целиот регион“, рече Лирман.

Двајца пратеници од сестринските партии на ВМРО-ДПМНЕ, ЦДУ/ЦСУ, беа против резолуцијата. На Кристоф Клос (ЦДУ) не му се допаѓаше што владејачкото мнозинство затоа што ја издвојува Северна Македонија од останатите држави од регионот. Тој се наврати на поранешната германска канцеларка Ангела Меркел, велејќи дека на регионот секогаш му пристапувала како на целина.

И Тобијас Винклер од баварската ЦСУ, како и неговиот колега Клос, го критикуваше предлогот со кој се издвојува Северна Македонија и бараше да се прифати предлогот на неговата пратеничка група во која се бара поддршка за сите шест земји од За Балкан.

Пратеникот од СДП Јосип Јуратовиќ, како и либералот Томас Хакер, застанаа во одбрана на резолуцијата, велејќи дека сите кандидати за членство во ЕУ се вреднуваат поединечно. „ЕУ процесот е регата, и се вреднуваат индивидуалните постигнувања. Не може последниот да го чека првиот. Денеска се работи за искрената политика на проширување на ЕУ. Северна Македонија е кандидат од 2005 и сега е време“, рече Јуратовиќ.
„Сакаме сега да ја охрабриме Македонија со оваа резолуција. Македонската култура ќе ја збогати ЕУ“, нагласи тој. Јуратовиќ, исто така, побара од ЦДУ поддршка за македонскиот пат во ЕУ и да влијае врз нивната сестринска партија ВМРО-ДПМНЕ за уставните измени.

На самиот почеток на резолуцијата се наведува: „Германскиот Бундестаг ги признава македонската култура, идентитет и јазик. Во Европската нија, која се карактеризира со голема разновидност на јазици и култури, јазиците се составен дел од нашето заедничко културно наследство. Јазичната различност се практикува во повеќејазичноста во програмите и во работата на институциите. Македонскиот јазик и култура дополнително ќе ја збогатат оваа различност. Европската унија го смета зачувувањето и заштитата на ова богатство како една од нејзините најважни задачи“.

Извештајот за земјата, соопштува Бундестагот, објавен од Европската Комисија како дел од пакетот за проширување на ЕУ во октомври 2022 година сведочи за добар напредок на земјата во клучните области, пишуваат европратениците. Сепак, треба да се стравува дека претходниот процес на проширување на ЕУ би можел повторно да дојде до застој откако прашањето за името со Грција беше решено, пак се јавуваат билатерални конфликти, овој пат со Бугарија. „Согласно компромисот постигнат од страна на Советот со Северна Македонија во летото 2022 година, предуслов за сите понатамошни чекори кон интеграција е уставен амандман кој предвидува вклучување на бугарската популациска група во Уставот на Северна Македонија заедно со другите групи што веќе беа споменати. и за што е потребно двотретинско мнозинство во парламентот на Северна Македонија“.

Федералната влада треба „да ја охрабри Северна Македонија да вложи максимални напори за да создаде услови за отворање на првите преговарачки кластери, особено за спроведување на компромисот од летото 2022 година“. Од друга страна, владата треба да ја повика Бугарија да го поддржи патот на Северна Македонија кон ЕУ во рамките на постигнатиот компромис со Советот и да се воздржи од дополнителни услови.

Пратениците ја повикаа федералната влада на ниво на ЕУ да постигне изгледите за пристап во ЕУ за Албанија, Босна и Херцеговина, Косово, Црна Гора, Северна Македонија и Србија „наскоро да бидат недвосмислени, веродостојни и поткрепени со опиплив напредок“. Пратеничката група на ЦДУ/ЦСУ, исто така, предложи да се договорат посредни чекори кон поблиски врски со ЕУ со земјите кандидати на патот кон членство во ЕУ, како што е поврзаното членство во Заедничката надворешна, безбедносна и одбранбена политика без право на глас и начин за пристапување во внатрешниот пазар на ЕУ во замена за реформи и спроведување на критериумите од Копенхаген и напредок во владеењето на правото.

Другите барања беа насочени кон цврсто отфрлање на поместувањата на границите во земјите од Западен Балкан, изгледите за нивно членство во НАТО, зголемена борба против корупцијата, продолжување на Берлинскиот процес за регионална соработка и развој и реформи во ЕУ за да се обезбеди нејзиниот иден капацитет за апсорпција.