Тутнарите ги чекаат субвенциите

И покрај најавите дека парите ќе ги добијат до крајот на април тоа не се случило. Велат сеидбата на новата реколата е во полн ек и токму сега им требаат овие средства за да може да ги покријат производствените трошоци кои биле зголемени за неколку пати. Во спротивно речиси извесно било намалување на и така намаленото производството, а со тоа и неисполнување на склучените договори со откупните организации.

Од Агенцијата за финансиска поддршка во земјоделството велат дека средствата се обезбедени, но се чекаат измените на законот за земјоделство и рурален развој кои веќе биле испратени во Собранието.

„За да се изврши исплата на директните плаќања за произведен и продаден тутун во регистрирани откупни претпријатија агенцијата чека на донесување на предлог измените на законот за земјоделство и рурален развој со кој ќе се одложи примената на законската одредба дека сите земјоделски стопанства вклучувајќи ги и тутунарите треба да се проверуваат за доспеани, а неплатени обврски спрема УЈП“, информираа од агенцијата.

Од таму додаваат дека средствата  во висина од близу 1.3 милијарди денари веќе се обезбедени, а исплатата ќе била веднаш по донесувањето на законската измена.