Триумф од 4:0 за Македонијa
Избраниците на Благоја Милевски почнаа фуриозно и постигнаа четири гола за половина час, а потоа малку го намалија интензитетот.
Енис Барди го отвори резултатот во четвртата минута од слободен удар, а десет минути подоцна асистираше за погодокот на Бојан Миовски со удар со глава.
Напаѓачот беше стрелец и на третиот гол, додека четвртата реализација ја имаше Дарко Чурлинов во 31.минута од мечот.
На овој натпревар дебитираа и неколку нови имиња, Валон Етеми, Бојан Димоски, Енис Фазлагиќ и Томче Гроздановски.
Грузија и Бугарија во Тбилиси ремизираа без голови, па сега разликата со Грузијците се намали на само три бода.