СЛУШАЈТЕ ВО ЖИВО

Економија

Бензните поевтинуваат за половина денар, дизелот со иста цена

Малопродажните цени на бензините се намалува за 0,50 денар/литар, а дизелот останува со иста цена, одлучи денеска Регулаторната комисија за енергетика и водни услуги.

Намалување на малопродажните цени на нафтените деривати во просек е за 0,76 %. Од ноќеска на полноќ ЕУРОСУПЕР БС – 95 ќе се продава за 67 денари/литар, ЕУРОСУПЕР БС -98 за 69 денари/литар. Дизел горивото ЕУРОДИЗЕЛ БС (Д-Е V) останува на 58 денари/литар.

За половина денар се намалува и цената на маслото за горење Екстра лесно 1 (ЕЛ-1) и ќе се продава по 57,50 денари/литар.

 

Малопродажната цена на Мазутот М-1 НС се намалува за 0,513 ден/кг и сега ќе изнесува 34,266 ден/кг.

Во изминатиот седумдневен период референтните цени на светските берзи во просек бележат намалување: кај бензинот за 1,044%, кај дизелот за 0,121%, кај екстра лесното масло за 0,031 % и кај мазутот намалувањето е за 1,2 %. Во истиот период курсот на денарот во однос на доларот е понизок за 0,678%, посочуваат од Регулаторната комисија за енергетика.

Прикажи повеќе

Холидеј

Радио Холидеј е приватна радио станица - концесионер која со квалитетен сигнал го покрива регионот на Општина Прилеп, Крушево, Македонски Брод, Демир Хисар, Битола и поширокиот Пелагониски регион.

Поврзани објави

Back to top button
Skip to content