Советот за безбедност предлага кризна состојба на целата територија на државата

Дополнително, државата во овој период ќе може да управува и со приватните болници.

Со колку и какви ресурси располагаат приватните установи, и што од тоа државата ќе искористи, министерот за здравство немаше податоци, но најави дека ќе се анализира уште денеска.

И претседателот и премиерот Заев беа децидни дека кризната состојба нема никаква врска со евентуалното воведување на полициски час или карантин, кое според нив е надлежност на Комисијата за заразни болести.

Според член 31 од Законот за управување со кризи, ако е потребно продолжување на кризната состојба подолго од 30 дена, Владата треба да побара одобрување од Собранието за продолжување на рокот.