Собранието ќе ја почне 120. седница, а ќе се гласа и за закони од други седници

31

Собранието денеска ќе ја почне 120. седница на која на дневен ред се 24 точки за расправа. За денеска се закажани и продолженија на 71., 103., 111. 115. и 117 седница, на кои се очекува да се гласа за закони за кои веќе е завршена општата расправа.

На 120. седница се предлозите за именување директор на Агенцијата за администрација, за избор на член на Советот на јавни обвинители и претседател и членови на Регулаторната комисија за енергетика и водни услуги и услуги за управување на комунален отпад, како и годишните извештаи на Агенцијата за супервизија на осигурување и за извршените ревизии и за работата на Државниот завод за ревизија за 2022 година.

На дневен ред се и Фискална стратегија на Република Северна Македонија за 2024-2028, Предлог на завршна сметка на Буџетот на Република Северна Македонија за 2022 година, Предлог на закон за ратификација на Спогодбата помеѓу Владата на Република Северна Македонија и Советот на министри на Република Албанија зa меѓународен воден транспорт во Oхридското Езеро, Предлог на закон за изменување и дополнување на Законот за данокот на додадена вредност, по скратена постапка, поднесен од пратениците Бојан Стојаноски, Никола Мицевски, Бети Стаменкоска Трајкоска, Лидија Петкоска, Александар Велјановски, Александар Николовски, Ангелинка Петкова, Тони Јаревски, Олга Лозановска, Јадранка Поцкова, Дајанчо Ефтимов и Дафина Стојаноска. На дневен ред се и други закони и предлози од Владата и од пратениците.

Може ќе Ви се допадне

Веб страницата користи *колачиња со цел да овозможи и креира подобро корисничко искуство за нашите посетители. Прифаќам Повеќе

Skip to content