СЛУШАЈТЕ ВО ЖИВО

Култура

Снимателите побараа нападот врз нив законски да се третира како напад врз службено лице

Последните напади и закани врз снимателите се само уште еден аларм дека се потребни измени во Законот и нападот врз медиумските работници да се смета како напад врз службено лице, изјавија сниматели од секцијата на сниматели при Здружението на новинари на Македонија (ЗНМ). „Ние мора да бидеме заштитени затоа што физичките напади врз нас продолжуваат”, рече новинарот Александар Тодески, кој вчера беше физички нападнат во Пржино додека снимаше инсерти за телевизиски прилог.

Снимателите на денешната конференција пред Собранието упатија апел што поскоро да се донесат законски измени, бидејќи како што истакнаа медиумските работници се мета на многу опасности.

„Ние како сниматели постојано сме на мета на напади било од граѓани или други лица. Апелираме до институциите конечно да го решат статусот на медиумските работници, секој напад врз нас да биде третиран врз служебно лице, реагираат од секцијата на сниматели при ЗНМ.

Претседателот на ЗНМ Младен Чадиковдки информира дека во текот на ноќта имало уште еден напад врз медиумски работник во неговиот двор.

„Со оглед на тоа дека станува збор за заканувачка порака, иако сепак нема објективно штета, бидејќи боја може да се исчисити, но трагите од насилството што се случи и од она што може да се случи можат да продолжат и понатаму, бараме целосно разрешување на овие случи“, изјави Чадиковски.

Тој испрати апел и до МВР за побрзо и поефективно решавање на случаите на говор на омраза на социјалните мрежи, бидејќи, како што укажа, овие говори на омраза водат кон можни кривични дела, како вчерашниот случај.

„Луѓето можат многу лесно да дознаат каде новинарите живеат и се движат, тоа  што исто така е многу опасно е дека денес тоа може да биде јајце, но утре може да биде камен, а задутре нешто друго. Нашата работа и совест не дозволува да имаме прекин во работата и ќе продолжиме колку и да има опасности и ризици и токму ова е еден од многуте примери што ги имаме е дека Кривичниот законик треба да се донесе што поскоро бидејќи ние сме мета на напади буквално на кој бил човек, ние мора да бидеме заштитени затоа што продолжува ова и се повторува“, рече новинарот Александар Тодески, кој е дел од нападнатата новинарска екипа на ТВ 24.

Снимателот од МИА, Аслан Вишко беше согласен дека законските измени треба што поскоро да се направат со цел медиумските работници да бидат што позаштитени.

Љубиша Игнатов, снимател за ТВ 24 вчера во попладневните часови беше нападнат во скопската населба Пржино, каде заедно со неговата новинарска екипа се обидел да сними прилог.

Прикажи повеќе

Холидеј

Радио Холидеј е приватна радио станица - концесионер која со квалитетен сигнал го покрива регионот на Општина Прилеп, Крушево, Македонски Брод, Демир Хисар, Битола и поширокиот Пелагониски регион.

Поврзани објави

Back to top button
Messenger icon
Пишете нѝ на Фејсбук!
Skip to content