СЛУШАЈТЕ ВО ЖИВО

Политика

Делегацијата на ВМРО-ДПМНЕ си замина од Мечкин Камен: „Власта не го пушти народот што не е за СДСМ да присуствува“

Делегацијата на ВМРО-ДПМНЕ си замина од Мечкин Камен пред обраќањето на премиерот Димитар Ковачевски, обвинувајќи дека власта не го пуштила народот што не е за СДСМ да присуствува на Мечкин Камен.

Потпретседателот на ВМРО-ДПМНЕ, Александар Николоски рече дека ВМРО-ДПМНЕ си заминува затоа што не планираат да бидат дел од митинг на СДСМ, со оглед на тоа што, како што истакна, манифестацијата е партиска.

„СДСМ, за жал, не успеа да се надмине себе. Донесоа тука исклучиво партиски активисти кои што од рано утрото од пет часот ги носат со автобуси со наредба да ја расипат манифестацијата и на сите кои што не се членови на СДСМ вклучително и на бројни членови на ВМРО-ДПМНЕ им е забрането да пристапат тука, за што бевме информирани пред почетокот на оваа манифестација. На одредени луѓе кои што беа дел од оваа наша делегација им е забрането да пристапат тука. Не знам од што се плашат, веројатно се плашат од народот, а гледаат веројатно и сфаќаат дури и со партиски активисти не успеаја да го наполнат Мечкин Камен, затоа што Мечкин Камен може да се наполни само и исклучиво со македонски народ кој што доаѓа со чесна мисла а не под политичка наредба“, изјави Николоски.

 

Прашан дали им било кажано на граѓаните од кои причини не им е дозволено да присуствуваат на настанот, Николоски рече дека образложението било оти ги немало на протоколарната листа.

„Јас лично бев да интервенирам кај неколку, го повикав и владиниот протокол, ги немало во протоколарната листа, очигледно само членовите на СДСМ ги има во протоколарната листа и затоа ние сега ќе си заминеме“, рече Николоски.

Прикажи повеќе

Холидеј

Радио Холидеј е приватна радио станица - концесионер која со квалитетен сигнал го покрива регионот на Општина Прилеп, Крушево, Македонски Брод, Демир Хисар, Битола и поширокиот Пелагониски регион.

Поврзани објави

Back to top button
Skip to content