Почна откупот на тутунот во Тутунскиот комбинат Прилеп

Годинешната реколта ќе тежи 23 илјади тони, доколку има вишок и тој ќе биде откупен уверува министерот за земјоделство Аријанит Хоџа.

Квалитетот на тутунот е сличен на оној од лани, а најголем дел и годинава е произведен во Пелагонија. Парите се обезбедени, па надлежните очекуваат откупот да се одвива без проблеми.

Со оглед на ситуацијата со пандемијата, надлежните апелираат тутунарите да се придржуваат до мерките за заштита од корона-вирус, за да не се случи поради невнимание да се затворат откупните центри.