Платежните картички се користат се повеќе за купување

34

Граѓаните се повеќе ги користат платежните картички за купување. Податоците на Народната банка за третиот квартал од 2022 година покажуваат раст кај вредноста и кај бројот на остварени трансакции за 14,9 и за 8,5 проценти.

– Годишниот раст на бројот на плаќањата во трговијата, кој произлегува пред сѐ од повисокиот годишен раст на бројот на плаќањата со платежни картички на виртуелните (интернет) места на продажба (10,1 процент), иако послаб, продолжува и во третиот квартал од 2022 година, а продолжува и годишниот раст на бројот на плаќањата на физичките места на продажба (8,3 проценти). Кај плаќањата на граѓаните со кредитни трансфери во истиот период е забележан годишен пад на бројот на плаќања за 8,6 проценти, при раст на вредноста од 5,6 проценти, соопштија денеска од Народната банка.

Промената на навиките кај граѓаните во прилог на електронското банкарство се забележува и во тоа што во третиот квартал има раст од 5,2 проценти кај бројот на електронски плаќања, а годишен пад од 12,5 проценти кај трансакциите извршени на шалтер.

При електронските плаќања најчесто граѓаните ги користат мобилните апликации (54,7 проценти).

Може ќе Ви се допадне

Веб страницата користи *колачиња со цел да овозможи и креира подобро корисничко искуство за нашите посетители. Прифаќам Повеќе

Skip to content