СЛУШАЈТЕ ВО ЖИВО

Здравје

Најдоцна до март пристигнува првата пратка на вакцини во Македонија

Првата пратка од 833.000 КОВИД вакцини во земјава најдоцна до март.

Приоритет ќе им се даде на лекарите и сестрите кои работат со болни од корона, лицата над 65 години, хронично болните со белодробни и кардиоваскуларни заболувања, вработените од критичната инфраструктура и транспортот.

Вакцината ќе се прима во две дози во веќе постоечките вакцинални пунктови и ќе биде незадолжителна, кажа денеска министерот Филипче. Веќе се преговара и за дополнителни 800.000 дози преку Европската унија. Понуди за дистрибуција на нови дози стигнале и од компании од Полска и Грција.

 

Само лица во добра општа состојба ќе може да се вакцинираат. Ова важи и за оние кои веќе го прележале вирусот. Децата ќе бидат исклучени од вакцинирање. Првите ефекти вакцината треба да ги даде неполн месец по примање на втората доза.

Граѓаните со различно расположение околу КОВИД вакцинирањето. За едни вакцината е небезбедна, други би ја примиле без размислување.

Вакцините ќе се чуваат во посебни фрижидери кои од САД треба да стигнат по Нова година. Набавната цена на вакцината ќе чини 10 долари, а за граѓаните ќе биде бесплатна.

Прикажи повеќе

Холидеј

Радио Холидеј е приватна радио станица - концесионер која со квалитетен сигнал го покрива регионот на Општина Прилеп, Крушево, Македонски Брод, Демир Хисар, Битола и поширокиот Пелагониски регион.

Поврзани објави

Back to top button
Skip to content