Локално
Одрон на патот Росоман – Прилеп, сообраќајот во прекин
Поради одрон и поплава сообраќајот кај Плетвар е во прекин. На социјалните мрежи се појавија видеа на кои се гледа големиот одрон и колона возила.
На снимките објавени на приватни профили се гледаат големи наноси и вода која носи камења и земја.
„Од 05:55 часот регионалниот пат Росоман-Прилеп, кај местото викано Трите ленти е затворен за сообраќај поради одрон на патот“, соопштија од АМСМ.
Засега нема информции колку време ќе биде потребно за расчистување и нормализација на сообраќајот.
