Не ти текнува на песната? Запеј му на Google!

Најавени се неколку ажурирања за апликацијата Google Search, а вештачката интелигенција сè уште се користи за подобрување на корисничкото искуство.

Сега е доволно да знаете барем приближно како оди мелодијата на песната на чиј наслов и изведувач не можете да се сетите.

Кога ќе го отворите Google Search, можете да го испеете или свиркате делот што го памтите и со опцијата Search a song (Пребарај песна) погледнете што ќе ви каже Google.

Внесувањето треба да трае од 10 до 15 секунди, така што алгоритмот има доволно материјал за да најде соодветна песна во базата на податоци.

Функцијата во моментов е достапна на англиски јазик за iOS и на околу 20 јазици за Android, а наскоро се планира и воведување нови јазици.