СЛУШАЈТЕ ВО ЖИВО

Култура

Научен симпозиум „150 години од раѓањето на Гоце Делчев“

Научниот симпозиум „150 години од раѓањето на Гоце Делчев“ денеска ќе биде отворен во Музејот на македонската борба, во организација на Институтот за национална историја – Скопје.

На шесте работни сесии, што ќе се реализираат денеска и утре во Музејот на македонската борба и во Институтот за македонски јазик „Крсте Мисирков“ свои реферати ќе презентираат 46 еминентни професори и научници од земјата. На тој начин, како што соопшти организаторот, научно ќе биде елабориран неспорниот придонес на Гоце Делчев во создавањето на современата македонска држава, кој е трајно вграден во колективната меморија и традициите на македонскиот народ.

Пред свеченото отварање, учесниците на научниот симпозиумот ќе имаат прием кај претседателот на Собранието Талат Џафери.

На отворањето на симпоизумот ќе се обратат претседателот на Македонската академија на науките и уметностите академик Љупчо Коцарев, ректорот на Универзитетот „Св. Кирил и Методиј“ – Скопје проф. д-р Никола Јанкуловски и претседателката на Организацискиот одбор проф. д-р Катерина Тодороска.

Во рамки на отворањето на симпозиумот ќе биде промовирана поштенска марка посветена на 150-годишнината од раѓањето на Гоце Делчев. По отворањето учесниците ќе ја посетат изложбата „Портрети на Гоце Делчев“ од академскиот сликар Ангел Петров, специјално подготвена за овој настан и постојната изложба на Државниот архив „150 години од раѓањето на Гоце Делчев (1872-2022)“.

Прикажи повеќе

Холидеј

Радио Холидеј е приватна радио станица - концесионер која со квалитетен сигнал го покрива регионот на Општина Прилеп, Крушево, Македонски Брод, Демир Хисар, Битола и поширокиот Пелагониски регион.

Поврзани објави

Прочитај повеќе:
Close
Back to top button
Skip to content