СЛУШАЈТЕ ВО ЖИВО

Култура

Меѓународната научна конференција „Охрид-Водици 2022″

„Глобалните трендови и предизвици поврзани со идентитетите, културното наследство, животната средина, креативните заедници, туризмот и одржливиот локален/регионален развој" ќе биде фокусот на дискусиите на десетата Меѓународна научна конференција „Охрид-Водици 2022", што од денеска ќе се одржува во Охрид.

На собирот организиран од Центарот за напредни истражувања, заедно со Социјалната организација за поддршка на проучувањето на културното наследство од Баку (МИРАС), Универзитетот „Ајдин Аднан Мендерес” од Турција, московското списание „Руски политички науки” и Журналот за глобални процеси од Мајами, најавено е учество на над седумдесет учесници, научни работници, експерти од единаесет земји.

Отворањето на конференцијата е предвидено за денеска во амфитеатарот на Институтот за Филм-Филмската академија во Охрид, а свои поздравни обраќања пред учесниците ќе имаат градоначалникот на Охрид, Кирил Пецаков, како и Роберт Алаѓозовски, националниот координатор за „Едно општество и интеркултурализам” при Владата на Република Северна Македонија.

Поради наметнатата ситуација предизвикана од коронавирусот годинашната конференција ќе се одржува хибридно, со физичко присуство и онлајн преку платформата Зум.

На научниот собир најавена е презентација на повеќе од 40 научни труда.

Прикажи повеќе

Холидеј

Радио Холидеј е приватна радио станица - концесионер која со квалитетен сигнал го покрива регионот на Општина Прилеп, Крушево, Македонски Брод, Демир Хисар, Битола и поширокиот Пелагониски регион.

Поврзани објави

Back to top button
Messenger icon
Пишете нѝ на Фејсбук!
Skip to content