Липата помага при висок крвен притисок, стрес и уринарни проблеми

81

Липата е миризливо и лековито растение, кое популарно се користи за намалување на крвниот притисок и смирување, но и против настинки и грип.

Липата цвета од крајот на мај до почетокот на јули, подолго од кое било шумско дрво, што е исклучително корисно ако се има предвид дека цветот на липата е медоносен и лековит. Цветот се бере веднаш штом ќе се отвори, пред да процвета и да ја промени бојата и се суши на сенка, на добро проветрено место.

Цветот на липата е богат со витамин Ц, содржи слуз, танин, есенцијални масла, хетерозиди, шеќер, восок, манитол и тартарат, додека листовите се исклучително богати со калциум. Затоа паднатите лисја брзо се распаѓаат и ја подобруваат плодноста на почвата.

Традиционално, липата се користи за ублажување на симптомите на настинка, грип и други заразни болести на респираторниот тракт.

Во народната медицина се користи и како пријатен напиток за олеснување на излачувањето на урината од телото, благ лек против висок крвен притисок и за смирување. Покрај тоа, есенцијалните масла од цветовите на липата се незаменливи состојки на козметичките препарати. Вредните пчели го претвораат поленот од нејзиниот цвет во висококвалитетен мед со препознатлив вкус и мирис.

Може ќе Ви се допадне

Веб страницата користи *колачиња со цел да овозможи и креира подобро корисничко искуство за нашите посетители. Прифаќам Повеќе

Skip to content