Компири и друга шверцувана стока од Северна Македонија запленети кај преминот Горица-Стење

19

Албанските власти заплениле поголема количина компири и друга шверцувана стока кај граничниот премин Горица-Стење која со помош на цариник и вработен во граничната полиција две лица се обиделе да ја внесат од македонска на албанска територија.

Во акцијата уапсени се две лица жители на село Орман, општина Малиќ, цариникот, како и еден полицаец од преминот Горица, кои се товарат дека ја злоупотребиле должноста дозволувајќи нелегален премин на стока.

– Запленетата стока била транспортирана со две возила управувани од О.Ч. и Р.О., од село Орман, кои полицијата ги запрела во близина на преминот, кај кои при контрола се пронајдени и одземени различни прехранбени производи без соодветна документација, стои во полициското соопштение.

Неодамна на овој граничен премин, во близина на Ресен, албанската полиција, уапси жител на Корча, под обвинение за шверц на гориво.

Тој со возило марка „мерцедес“, чиј резервоар го модифицирал и зголемил, според полицијата, од Македонија преку граничниот премин Горица шверцувал 300 литри нафта.

Може ќе Ви се допадне

Веб страницата користи *колачиња со цел да овозможи и креира подобро корисничко искуство за нашите посетители. Прифаќам Повеќе

Skip to content