Здрав појадок со зелено смуди

За многумина од нас утрото значи рано станување, брзање на работа, подготвување на децата за во училиште или градинка и подготовка на појадок кој не само што ќе биде брз туку и здрав! Нутриционистите го пронашле идеалниот рецепт за појадок. Станува збор за зелен кашест сок од лиснат зеленчук, полн со витамини, минерали, влакна, хлорофил и амино киселини. За да го „маскирате“ мирисот на зеленчукот, препорачливо е да го измешате зеленчукот во блендер со овошје.

Зелениот кашест сок се одликува со следните придобивки:

• вкусен и лесен
• полн со витамини, минерали и растителни влакна
• брзо се подготвува
• сите членови на семејството можат да го пијат
• го подобрува изгледот на кожата, косата и ноктите
• ја дава потребната енергија
• овозможува природно губење на тежината
• го подобрува расположението
• му ги дава на телото сите потребни хранливи материи
• го спречува стареењето на клетките и го намалува ризикот од појава на рак
• го нормализира варењето
• ја подобрува меморијата, бистрината на умот и концентрацијата

Дали е здраво да се мешаат овошје и зеленчук?

Сте слушнале дека комбинирањето на овошје и зеленчук не е здраво. Но зошто е тоа така? Тоа е затоа што овошјето лесно се вари, додека повеќето зеленчуци содржат скроб, за кој е потребно подолго време да се вари.

Поради комбинацијата на такви некомпатибилни намирници, храната подолго се задржува во стомакот, што може да предизвика надуеност, гасови, а понекогаш и запек. Но, постои еден исклучок од ова правило – зелениот лиснат зеленчук. Не содржи скроб и лесно може да се комбинира не само со овошје, туку и со било кој друг вид на храна. Во продолжение ви споделуваме неколку рецепти за зелено смуди.

Рецепти за зелени смуди со спанаќ

Потребни состојки:

• 1 банана
• 300 милилитри вода
• 100 грама шумско овошје (свежо или замрзнато)
• 2-3 листови спанаќ
• 1 лажица кафеав шеќер или јаворов сируп (по желба)

Сите состојки се ставаат во блендер и се мешаат 1-2 минути. Испијте го сокот веднаш, во мали голтки. Оваа количина на сок е доволна за 1 оброк за едно лице. Едноставно не можете да погрешите со овој рецепт: има одличен вкус, а и на децата ќе им се допадне. Покрај тоа, можете да го замените шумското овошје со кое било друго овошје (освен лубеница и диња), а наместо спанаќ можете да употребите кељ, салата или друг зелен лиснат зеленчук.

Смуди од зелена салата

Подготовката е иста: состојките се ставаат во блендер и се мелат додека не добиете еднолична смеса.

Боровинки и зелена салата

Потребни состојки:

• зелена салата, исечкана на коцки
• 1 зрела банана
• 1 чаша боровинки, свежи или замрзнати
• 1/2 чаша манго
• 1 1/2 чаши вода

Цреша и зелена салата

Потребни состојки:

• зелена салата, исечкана на поголеми коцки
• 1/2 чаша боровинки
• 1/2 чаша манго
• 1/2 чаша цреши без јазли
• 1 1/2 чаши вода

Јагоди и зелена салата

Потребни состојки:

• 1 чаша јагоди
• 2 банани
• зелена салата
• 1 1/2 чаши вода.