Жива е ракометна Македонија и седми пат во низа ќе игра на Светско првенство!

231

Тоа што се чинеше речиси недостижно по поразот од 34:27 во Торсхавн не ја поколеба машката ракометна репрезентација на Македонија, која славеше со 34:26 над Фарски Острови во реваншот од баражот во Скопје и деветти пат, седми во низа, ќе игра на мундијалите!

Голот за 17. големо натпреварување за „црвено-жолтите“ го постигна Жарко Пешевски 27 секунди до крајот, а гостите потоа успеаја само да намалат, по што ерупција од одушевување ја зафати арената „Борис Трајковски“.

Дека е можно анулирање на големата негатива од средата најави првото полувреме, кое избраниците на селекторот Кирил Лазаров го добија со 19:15, а првпат ја имаа потребната предност од осум гола во средината на вториот дел, кога поведоа со 27:19.

Во преостанатата четвртина од средбата македонските ракометари имаа и девет погодока позитива, а одењето по жица до крајот заврши во полза на Македонија.

Пешевски беше непогрешлив од осумте обиди од линијата од 6 метри, а во нападот го следеа Филип Кузмановски со 7/15, Марко Митев со 6/8, Мартин Серафимов со 5/6 итн.

Може ќе Ви се допадне

Веб страницата користи *колачиња со цел да овозможи и креира подобро корисничко искуство за нашите посетители. Прифаќам Повеќе

Skip to content