Владата обезбедува по 11 илјади денари К15 за над 84 илјади вработени во администрација

Иако претходната Влада не предвидела средства за исплата на К15 во основниот буџет, со новиот ребаланс Владата обезбедува 1 милијарда денари за исплата на К15 за вработените во администрацијата, се нагласува во информацијата од владините служби.

„Со оваа одлука над 84 илјади вработени во државната администрација ќе добијат по 11 илјади денари К15. Исплатата ќе биде најдоцна до декември оваа година.

Со тоа ќе се реализира уште една значајна поддршка за вработените.

Со овој пакет К15 ќе бидат опфатени и вработените наставници во училиштата“, истакнуваат од Владата.

На овој начин, додаваат, Владата покажува конкретна грижа за секој еден вработен во исполнување на нивните права.