СЛУШАЈТЕ ВО ЖИВО

Политика

Владата не ги продолжи антикризните мерки – од среда поскапуваат храната и горивото

Од полноќ истекува важноста на мерките коишто беа донесени во март за ублажување на ефектите од економската криза и се отвара простор за вртоглав раст на цените на храната, горивото, акцизите и ДДВ-то.

Владата денеска одржа седница, но на неа не станало збор за пролонгирање на антикризните мерки. Со тоа од полноќ истекува важноста на мерките коишто беа донесени во март за ублажување на ефектите од економската криза и се отвара простор за вртоглав раст на цените на храната, горивото, акцизите и ДДВ-то. Како што информираат од Владата за ДВ , во ребалансот на Буџетот се предвидува одредена сума на средства за ублажување на ефектите од кризата, но засега нема предлози за конкретни антикризни мерки.

Со истекувањето на времената владина антикризна мерка со која во период од три месеци беа намалени ценитена горивата, акцизите и ДДВ-то, од полноќ цените на дериватите би можеле драматично да рипнат. Од утре стапката на ДДВ-то се враќа од 10 на 18 % при промет на енергенсите: дизел, безоловен бензин, гасно масло, течен нафтен гас (ТНГ) и метан, како и акцизата од 2 денари на нафта и нафтени деривати, со што се очекува значително да поскапат бензинот и нафтата.

Mazedonien Preise VergleichКакви цени да очекуваат граѓаните од среда?

Со тоа се укинува една од 26-те мерки за заштита на животниот стандард и ликвидноста на компаниите, за заштита на животниот стандард како и мерките за финансиска поддршка на деловните субјекти, коишто беа донесени во март годинава.

Пратеничката група на ВМРО – ДПМНЕ и Коалицијата за Обнова на Македонија најави дека ќе поднесе закон со кој производите за исхрана ќе бидат ослободени од ДДВ до 31 декември 2022 година. Дополнително, бараат и ДДВ за течните горива да биде 5% до крајот на годината.

Прикажи повеќе

Холидеј

Радио Холидеј е приватна радио станица - концесионер која со квалитетен сигнал го покрива регионот на Општина Прилеп, Крушево, Македонски Брод, Демир Хисар, Битола и поширокиот Пелагониски регион.

Поврзани објави

Back to top button
Messenger icon
Пишете нѝ на Фејсбук!
Skip to content