Економија 
Бензините поевтинуваат за 2, дизелот за 2,5 денари
Регулаторната комисија за енергетика и водни услуги (РКЕ) денеска донесе одлука за намалување на малопродажните цени на нафтените деривати од 2 денари кај бензините ЕУРОСУПЕР БС-95 и ЕУРОСУПЕР БС-98, 2,5 денари за дизелот и 3 денари кај маслото за домаќинство.
Според одлуката на РКСЕ, од вечер на полноќ бензинот ЕУРОСУПЕР БС-95 ќе се продава по 93,5 денари/литар, ЕУРОСУПЕР БС-98 по 96 денари/литар, а ЕУРОДИЗЕЛ (Д-Е V) ќе чини 93 денари/литар.
Малопродажната цена на Екстра лесното масло за домаќинство (ЕЛ-1) ќе изнесува 91 денар/литар, а цената на мазутот М-1 НС не се менува и тој ќе се продава и натаму по 53,343 денари/килограм.
