СЛУШАЈТЕ ВО ЖИВО

Спорт

Уапсен навивачот кој удри фудбалер сред натпревар во Тетово (ВИДЕО)

Скандал се случи денеска во Тетово на второлигашкиот натпревар меѓу Тетекс и Саса (0-2). Пред самиот крај од дуелот, навивач влета во теренот и му удри шлаканица на гостинскиот напаѓач Бошко Ступиќ.

Потоа и веднаш побегна, преку теренот, но и низ оградата наоѓајќи една „дупка“ за да се протне.

Кратко по инцидентот судијата отсвири крај на мечот.

Тетовската полиција соопшти дека го уапсила лицето набрзо по завршувањето на натпреварот.

Полициски службеници на СВР Тетово денеска (1 октомври) во 17 часот и 25 минути, во продолжението од првенствениот фудбалски натпревар Тетекс-Каменица Саса, во 94-та минута, го лишиле од слобода Н.А.(18) од Тетово, кој ја прескокнал оградата од главната трибина и физички го нападнал гостинскиот фудбалер Б.С.(38).од Пробиштип, велат оттаму.

Тој е задржан во Полициската станица Тетово и по целосно документирање на случајот ќе му биде изготвен соодветен поднесок.

Прикажи повеќе

Холидеј

Радио Холидеј е приватна радио станица - концесионер која со квалитетен сигнал го покрива регионот на Општина Прилеп, Крушево, Македонски Брод, Демир Хисар, Битола и поширокиот Пелагониски регион.

Поврзани објави

Прочитај повеќе:
Close
Back to top button
Skip to content