СЛУШАЈТЕ ВО ЖИВО

Локално

Според Делегацијата на ЕУ Прилеп е Најзелената општина во Македонија за 2021 година

Денеска амбасадорот Дејвид Гир, шеф на Делегацијата на Европската Унија во Македонија, на Борче Јовчески, градоначалникот на Прилеп ќе му ја додели наградата за Најзелена општина за 2021.

Делегацијата на Европската Унија ја промовираше Наградата за најзелена општина во рамките на нејзината кампања за подигање на свеста и промовирање на Зелениот договор на ЕУ. На отворениот повик, објавен на 3 март 2022 година по повод Светскиот ден на дивиот свет, сите општини во Македонија беа поканети да аплицираат со прикажување на нивните најдобри примери за управување со цврст отпад во 2021 година.
Осум општини,  Берово, Центар (Скопје), Кавадарци, Охрид, Пехчево, Прилеп, Тетово и Зелениково, учествуваа на повикот презентирајќи ги своите водечки активности со кои придонесоа за подобра животна средина во 2021 година.
Одборот за евалуација, составен од експерти од Делегацијата на ЕУ, Гоу Грин, Еко-свест и претставник на Јуроп Хаус ги стави Кавадарци и Прилеп во потесен избор за последователни теренски проверки за да ги проверат информациите презентирани во нивните апликации.
Прилеп покажа најдобра еколошката практика во областа на управувањето со отпадот во 2021 година.
Примопредавањето на наградата ќе се случи во рамките на конференцијата „Најдобра практика за управување со комунален отпад – затоа што немаме резервна планета“ организирана во рамките на проектот ЕУ за општините финансиран од Европската Унија.
Посетата „ЕУ со ТЕБЕ“ на Прилеп ќе опфати и посета на Пречистителната станица – инвестиција од ЕУ вредна 8 милиони евра која го подобрува квалитетот на водата, како и квалитетот на животот на прилепчани од 2019 година, соопшти Делегацијата на ЕУ.
Прикажи повеќе

Холидеј

Радио Холидеј е приватна радио станица - концесионер која со квалитетен сигнал го покрива регионот на Општина Прилеп, Крушево, Македонски Брод, Демир Хисар, Битола и поширокиот Пелагониски регион.

Поврзани објави

Back to top button
Skip to content