Култура

Средношколци на состанок со Комисијата за заразни болести за спроведувањето на наставата

Претставници од Сојузот на средношколци изутрината присуствуваа на состанокот на Комисијата за заразни болести и им беа презентирани извештаите со деталната состојба со Ковид-19 во државава, соопшти Министерството за здравство.

На состанокот, како што се посочува, претставниците на Сојузот на средношколците ги претставија барањата на учениците, од кои најголем дел се веќе во планот на Комисијата за заразни болести за почеток на учебната година.

Тоа што беше пред сѐ предмет на дискусија е периодот на имплементација на одредени протоколи, за кои Комисијата инсистира да бидат имплементирани етапно, согласно епидемиолошката состојба во земјата, информираат од Министерството.

Министерот за здравство Венко Филипче пред средношколците го објаснуваше процесот на воведување и попуштање на рестриктивните мерки согласно епидемиолошката состојба. Тој информираше дека сите мерки за превенција донесени врз основа на стручните анализи и препораки на Комисијата во интерес на заштитата на здравјето на децата и родителите.

На состанокот двете страни се заложија да продолжат со интензивна комуникација, со цел добра организација и имплементација на мерките за спроведувањето на наставата во претстојната учебна година. Министерството за здравство и Комисијата за заразни болести се заинтересирани за соработка со сите чинителии, заедничката комуникација продолжува и понатаму, стои во соопштението./МИА

Тагови
Прикажи повеќе

Холидеј

Радио Холидеј е приватна радио станица - концесионер која со квалитетен сигнал го покрива регионот на Општина Прилеп, Крушево, Македонски Брод, Демир Хисар, Битола и поширокиот Пелагониски регион.

Поврзани теми

Напишете коментар

Вашата адреса за е-пошта нема да биде објавена. Задолжителните полиња се означени со *

error: Содржината е заштитена !!
Skip to content