СЛУШАЈТЕ ВО ЖИВО

Локално

Пензиите за јуни ќе се исплатат предвреме почнувајќи од овој петок

Пензиите за јуни ќе се исплатат предвреме почнувајќи од 26 јуни 2020 во четири групи.

Владата денеска на седница ја разгледа информацијата за исплата на пензиите со утврден распоред за исплата на пензиите за  јуни, со цел да се избегне ризикот од COVID-19, според која сите банки дале согласност јунските пензии да бидат предвреме процесуирани за готовинска исплата во четири групи (денови) почнувајќи од 26.06.2020 година, како и согласност безготовинската исплата да се овозможи од 26.06.2020 година, односно јунските пензии да се користат преку банкомати и во трговска мрежа од 26.06.2020 година.

За оваа цел, како што наведуваат во соопштението од владината прес-служба, потребно е Фондот за пензиско и инвалидско осигурување на Северна Македонија да ги достави податоците за пензиите до деловните банки најдоцна до 25 јуни 2020 година, а деловните банки од 26 јуни 2020 година да обезбедат пензионерите со јунските пензии да може да располагаат преку мрежата на банкомати и во трговската мрежа.

Готовинската исплата на пензиите, за клиентите кои не користат картички, според постигната согласност од банките ќе се спроведе во четири групи, односно денови во сите отворени филијали и експозитури на банките, согласно следниот распоред:

– За пензии со висина до 11.000 денари, исплата да се изврши на 26.6.2020 година (петок),

– За пензии со висина 11.001-14.000 денари, исплатата да се изврши на 29.6.2020 година (понеделник),

– За пензии со висина 14.001-18.000 денари, исплатата да се изврши на 30.06.2020 година (вторник) и

– За пензии со висина над 18.001 денари, исплата да се изврши на 01.7.2020 година (среда).

Прикажи повеќе

Холидеј

Радио Холидеј е приватна радио станица - концесионер која со квалитетен сигнал го покрива регионот на Општина Прилеп, Крушево, Македонски Брод, Демир Хисар, Битола и поширокиот Пелагониски регион.

Поврзани објави

Напишете коментар

Вашата адреса за е-пошта нема да биде објавена. Задолжителните полиња се означени со *

Back to top button
Messenger icon
Пишете нѝ на Фејсбук!
error: Содржината е заштитена !!
Skip to content