Локално

Утре крводарителска акција во Општина Прилеп

Во понеделник, 4 мај, на иницијатива на градоначалникот Илија Јованоски а во соработка со Институтот за трансфузиона медицина од Скопје, во просториите на Општина Прилеп од 9-14 часот ќе се одржи крводарителска акција.

По тој повод, градоначалникот Јованоски до граѓаните ја испрати следната порака:

„Доброволното дарување на крв е секогаш добра идеја, дури и во услови на пандемија. Има болни на кои нашата крв им е неопходна, кои не можат и не смеат да чекаат да помине пандемијата на КОВИД-19.

За таа цел, во понеделник, 4 мај, од 09 до 14 часот, во просториите на Општина Прилеп, во соработка со Институтот за трансфузиона медицина од Скопје, ќе биде организирана крводарителска акција, при што ќе бидат преземени сите безбедносни мерки според протоколите за заштита од коронавирусот.

Ги повикувам сите граѓани на општина Прилеп кои се чувствуваат здрави и можат да издвојат дел од своето време, да се приклучат и да даруваат од скапоцената течност.

Дозволете си себеси, со вашата несебичност и хуманост да внесете светлина и надеж во нечиј живот, со тоа што ќе дарувате крв. Да се даде дел од себе, односно да се дарува крв во овие тешки времиња кога светот и човештвото се соочени со многу предизвици, е чин достоен за највисока почит.

Прилеп бил и останува град на хуманоста, солидарноста и крводарителството , истакна Јованоски.

 

Тагови
Прикажи повеќе

Поврзани теми

Напишете коментар

Вашата адреса за е-пошта нема да биде објавена. Задолжителните полиња се означени со *

error: Содржината е заштитена !!
Skip to content