СЛУШАЈТЕ ВО ЖИВО

Локално

Прилеп: 7 нови случаи на лица заболени од КОВИД-19

Денеска во општина Прилеп се регистрирани 7 нови случаи на лица заболени од КОВИД-19 и по еден случај во општините Долнени и Кривогаштани, односно во населените места Заполжани и Боротино, информираа од Општина Прилеп.

На Инфективното одделение во прилепската Општа болница „Борка Талески“ хоспитализирани се 19 лица позитивни на коронавирус. Двајца од нив се на кислородна поддршка, останатите се со стабилна клиничка слика. Четири пациенти се сомнителни на коронавирус, земен им е брис и се чекаат резултати .

Во самоизолација се наоѓаат 334 лица a ,во текот на изминатото деноноќие, 3 лица не го почитувале полицискиот час, заради што ќе им биде поднесена соодветна пријава.

Во земјава пак во изминатите 24 часа потврдени се 28 нови случаи со Ковид-19 и тоа во Скопје – 11, Куманово – 2, Прилеп – 9, Тетово – 2, Велес – 3 и Валандово – 1. Во ГОБ „8 Септември“ почина 51-годишен пациент од Скопје, примен во болницата на 9 април во тешка состојба и веднаш поставен на респираторна машина, соопшти Министерството за здравство.

Институтот за јавно здравје, како што се посочува, регистрира 48 излекувани пациенти од кои шест пациенти од болничко лекување и 42 кои се лекуваа во домашни услови. Излекувани пациенти на домашно лекување се евидентирани во: Куманово -1, Битола – 1, Скопје – 19, Тетово -16, Штип – 1, Радовиш – 4.

Со новозаболените 28 случаи, вкупната бројка на дијагностицирани пациенти со Ковид-19 во земјава изнесува 1.259 и тоа во Скопје – 422, Куманово – 342, Дебар – 51, Штип – 34, Прилеп – 126, Тетово – 62, Струга – 55, Велес – 62, Битола –17, Охрид –15, Кавадарци – 4, Гостивар –13, Гевгелија – 4, Струмица – 2, Крива Паланка – 4, Радовиш – 4, Крушево – 3, Кочани – 28, Пробиштип – 2, Кичево – 2, Неготино – 2, Демир Хисар – 1, Македонски Брод – 2, Пехчево – 1, Валандово – 1.

Во изминатото деноноќие направени се 660 теста од кои преку ИЈЗ – 417, преку Ветеринарен факултет -14, Авицена –11, Биотек –46, Клиника „Жан Митрев“ –141 и Систина со PCR метода – 31. Досега во земјата се направени вкупно 13.000 тестирања на Ковид -19.

На Клиниката за инфективни болести и фебрилни состојби се примени седум пациенти, а хоспитализирани се вкупно 63 пациенти од кои 21 се на кислородна поддршка, а четворица се на механичка вентилација.

Во ГОБ „8 Септември“ примени се седум пациенти, а вкупно се хоспитализирани 43 пациенти. Со потешка клиничка слика се осум пациенти, а на респираторна машина се четворица пациенти.

Во Клиничката болница во Битола се лекуваат 10 пациенти, а на домашно лекување се следат 14. Во моментов во Клиничката болница во Штип се хоспитализирани двајца пациенти, а на домашно лекување се следат уште 19, информираат од Министерството за здравство.

Прикажи повеќе

Поврзани објави

Напишете коментар

Вашата адреса за е-пошта нема да биде објавена. Задолжителните полиња се означени со *

Back to top button
Messenger icon
Пишете нѝ на Фејсбук!
error: Содржината е заштитена !!
Skip to content