СЛУШАЈТЕ ВО ЖИВО

Економија

Граѓаните им должат на банките 3,7 милијарди евра

Стабилен и во услови на криза е македонскиот банкарски сектор, покажуваат податоците од Централната банка. Во текот на минатата година на нивното конто се слеале вкупно 287 милиони евра како нето-камати, а од нето-провизии и надоместоци заработката е 101,4 милиони евра.

Всушност, каматите им донеле приход од 336 милиони евра, но за доверените депозити од банките се одлеале 48,8 милиони евра, со што се доаѓа до чистиот износ, односно до нето-каматата. Во однос на 2021 година,во овој сегмен е забележливо натфрлање од 32 милиони евра.

Зголемени се и остварувањата, и тоа за 19 милиони евра, по основ на провизии и надоместоци. Банките заедно инкасирале 162,8 милиони евра. Повеќе од двојно, пак, се пониски исплатените провизии и надоместо од нивна страна – 61,4 милиони евра. Што е подобра слика од онаа во 2021, кога приливот бил 101,4, а одливот 52,4 милиони евра.

Оттука и вкупната добивка на банките кои функционираат во државата, од 157,3 милиони евра. Всушност, 2022 за нив била подобра од претходната за 8,5 милиони евра.

Според податоците од НБРСМ, граѓаните се задолжени кај банките со речиси 3,7 милијарди евра. Најмногу врз база на земени потрошувачки кредити – 1,87 милијарди евра. Додека преку 1,23 милијарди евра должат за решавање на станбеното прашање. Нешто „поситно“ се заборчиле преку користењето кредитни картички- 336,1 милион евра, додека на трансакциските сметки се работи за сума од 225,7 милиони евра.

Прикажи повеќе

Холидеј

Радио Холидеј е приватна радио станица - концесионер која со квалитетен сигнал го покрива регионот на Општина Прилеп, Крушево, Македонски Брод, Демир Хисар, Битола и поширокиот Пелагониски регион.

Поврзани објави

Back to top button
Skip to content