СЛУШАЈТЕ ВО ЖИВО

Технологија

Корисниците на Windows 11 сега можат да ги користат мобилните како веб камери

Најновиот додаток на програмата Windows Insider е можноста за користење на мобилен телефон или таблет компјутер со оперативниот систем Android како веб камера.

Корисниците на Windows 11, кои се дел од програмата Insider, сега можат да користат кој било уред со Android 9.0 или понова верзија како веб камера за време на видео-конференциски повици.

За сè да функционира, потребно е да ја инсталирате апликацијата Link to Windows на мобилниот уред, односно верзијата 1.24012 или понова.

Оние кои се дел од програмата Windows Insider потоа треба да ги следат чекорите Settings – Bluetooth & devices – Mobile devices и да ја изберат опцијата Manage devices, каде што ќе му дадат пристап на компјутерот до мобилниот телефон Android. По поставките, ќе се прикаже потврда за успешна врска.

Корисниците ќе можат да ја користат предната и задната камера, да додаваат ефекти и да пристапуваат до претходно направените фотографии преку компјутер. Новите Insider функции во моментов се достапни за корисниците.
Прикажи повеќе

Холидеј

Радио Холидеј е приватна радио станица - концесионер која со квалитетен сигнал го покрива регионот на Општина Прилеп, Крушево, Македонски Брод, Демир Хисар, Битола и поширокиот Пелагониски регион.

Поврзани објави

Back to top button
Skip to content