СЛУШАЈТЕ ВО ЖИВО

Македонија

Во земјава 100 проценти од средношколци учат странски јазик

Во земјава 100 проценти од средношколци учат странски јазик, но тоа не е гаранција дека ќе знаат да го зборуваат.

Македонија е меѓу петте земји во Европа каде што 100 проценти од средношколците учат странски јазик во училиштата, покажува анализата на порталот „Ландгеист“, базирана на податоци на „Евростат“. Покрај земјава, сите средношколци изучуваат странски јазик и во Лихтенштајн, Малта, Романија и Шведска.

Образовниот систем е една од причините поради која многу луѓе во Европа можат да зборуваат странски јазик. Три четвртини од сите средношколци во европските земји учат еден или повеќе странски јазици. Иако тоа не гарантира дека овие ученици на крајот ќе можат да ги зборуваат јазиците што се учат, тоа им обезбедува алатки за да го стекнат тоа знаење.

Најмал удел на средношколци кои учат странски јазик има во Данска (76,0%) и во Исланд (80,2%). Сепак, овие две земји се познати по тоа што имаат население кое одлично зборува англиски.

Во Бугарија странски јазик учат 98,8 отсто од средношолците, во Хрватска 98,6, Словенија 97,8, во Грција 95,3, а во Германија 87,8 проценти.

Прикажи повеќе

Холидеј

Радио Холидеј е приватна радио станица - концесионер која со квалитетен сигнал го покрива регионот на Општина Прилеп, Крушево, Македонски Брод, Демир Хисар, Битола и поширокиот Пелагониски регион.

Поврзани објави

Back to top button
Skip to content