Култура

Ноќна атлетска трка по повод 13 Ноември

По повод 13 Ноември, Денот на ослободување на Скопје, Атлетска федерација на Македонија во соработка со Град Скопје денеска организира Атлетска ноќна улична трка во централното градско подрачје, со старт и цел на плоштадот „Македонија“ во близина на Порта Македонија.

Патеката е кружна во должина од 1.200 метри и поминува преку плоштадот Македонија, сутеренот на Гратскиот трговски центар, покрај градската болница „Св Наум Охридски“ и Собрание на Република Македонија, преку „Рекорд“ и „Центар бар“ до плоштад Македонија. Се очекува учество на ученици од 10-тина средни училишта од Скопскиот регион, кои ќе се натпреваруваат во машка и женска категорија на патеката во должина од 1.200 метри или еден круг, додека во главната трка на шест километри се очекува учество на повеќе од 200 натпреварувачи во машка и женска конкуренција.

Стартот на програмата е закажан за 15 часот, додека училишните трки започнуваат во 15.10 за момчиња и 15.20 за девојчиња. Главната трка на шест километри ќе стартува во 15.30 часот.

Тагови
Прикажи повеќе

Поврзани теми

Напишете коментар

Вашата адреса за е-пошта нема да биде објавена. Задолжителните полиња се означени со *

Skip to content