По 16 години заеднички живот: Тајно се венчаа Зуица Лазова и Наум Петрески
Пејачите Наум Петрески и Зуица Лазова, по 16 години заеднички живот кој го крунисаа со две деца, решија да ја крунисаат и нивната љубов пред Бог и најсаканите. Пејачите долги години успешно опстојуваат на музичката сцена, а љубовта кон убавата народна песна ги споила нивните срца.
Наум и Зуица без голема помпа и во кругот на семејството и најблиските пријатели тајно склучиле граѓански брак, а потоа решиле да се заколнат на вечна љубов во еден од најубавите манастири во нашата земја – Св. Наум во Охрид, пишува MMS.mk.
Зуица на црковната вечкавка облекла бел фустан со интересен дезен, а Наум сив костум во комбинација со црна кошула.
Пејачите се родители на ќерката Македонка и синот Стефан кои тргнаа по нивните стапки, одбирајќи ја музиката како нивна пасија и љубов. Од претходниот брак пејачот ги има ќерките Анастасија и Сања.
Анастасија Петреска, тргна по стапките на својот познат татко и веќе е успешна пејачка во Македонија, иако во последно време е посветена на мајчинството. Имено, Анастасија исто како и нејзиниот татко е во брак со колега, пејачот Владимир Поповски од групата „Биоритам“.
Големо музичко семејство.
