Македонскиот фудбалски репрезентативец Бојан Миовски направи трансфер од унгарскиот МТК во Абердин и во наредните четири години ќе игра во Шкотска. Медиумите на Островот ја открија и вредноста на трансферот.
Според шкотските медиуми, Абердин за Миовски платил отштета од 536.000 фунти. Тој е засега најскапото засилување на Абердин во овој летен преоден рок.
Бојан Миовски неодамна постигна два гола за репрезентацијата на Македонија во триумфот од 4:0 против Гибралтар, во Лигата на нации.
