Спорт

ЛШ: Македонскиот првак со гол на надеж се враќа од Трондхајм

Стенио Жуниор постигна гол во 74. минута за македонскиот шампион Шкендија да ги задржи шансите за пласман во групната фаза на Лига Европа по 3:1 поразот на гостувањето кај Розенборг во Норвешка.

Шкендија имаше катастрофален старт на мечот, откако прво Џебали во 11. минута, а потоа Бендтнер само четири минути подоцна ги искористија лошите реакции на голманот Захов, а Леви во 44. минута донесе високи 3:0 предност за норвешкиот шампион. Сепак, со голот на Жуниор останува каква-таква надеж дека во реваншот ќе може да се надополни оваа предност на Норвежаните, која беше воглавном незаслужена.

Во другите мечеви од баражот, Партизан одигра 1:1 со турскиот гигант Бешикташ во Белград, Олимпија во Љубљана доживеа шокантен 0:2 пораз од Трнава, додека Ренџерс со 1:0 го совладаа рускиот Уфа.

Фото: ЕПА

ЛИГА ЕВРОПА, БАРАЖ, ПРВ НАТПРЕВАР

Генк (Бел) – Брондби (Дан) 5:2

Олимпија Љубљана (Сло) – Трнава (Свк) 0:2

Партизан (Срб) – Бешикташ (Тур) 1:1

Рапид Виена (Авт) – ФЦСБ (Ром) 3:1

Зорја (Укр) – РБ Лајпциг (Гер) 0:0

Гент (Бел) – Бордо (Фра) 0:0

Ренџерс (Шко) – Уфа (Рус) 1:0

Розенборг (Нор) – Шкендија (Мкд) 3:1

Тагови
Прикажи повеќе

Поврзани теми