СЛУШАЈТЕ ВО ЖИВО

Политика

Европскиот емисар да го види македонскиот народ, да го слушне македонското НЕ: Денеска пред Влада во 12!

Наместо од 19 часот, протестот против францускиот предлог денес ќе започне порано – од 12 часот пред зградата на Владата кога е закажана седницата на која ќе се разгледува и најверојатно веднаш ќе се потпише овој предлог.

Во исто време, во Владата ќе престојува високиот претставник од Советот на Европа Шарл Мишел, кој ќе оствари тет-а-тет средба со претседателот на Владата Димитар Ковачевски, а ќе присуствува и на владината седница.

Целта на посетата на Мишел е да ја покаже поддршката на ЕУ за францускиот предлог.

Дека следи брзоплето и подмолно туркање на предлогот против народот гласно кажува „не“, информации стигаат од повеќе партии, меѓу кои од лидерот на најголемата опозициска партија Христијан Мицкоски.

Од наши извори дознаваме дека Владата утре на седница ќе носи одлука за францускиот предлог, рече денеска лидерот на опозициската ВМРО-ДПМНЕ, Христијан Мицкоски, во изјава за медиумите.

Тој го повика македонскиот народ да излезе пред Владата и да каже „не“ за предлогот.

Според нашите информации, утре ќе се одржи владината седница на којашто ќе биде прифатен францускиот предлог. Затоа, ја повикувам цела Македонија утре да дојде пред Владата – рече Мицкоски.

Тој ги повтори неговите барања до премиерот Димитар Ковачевски дека ќе се откаже од предвремени избори доколку Ковачевски не го прифати модифицираниот француски предлог.

Прикажи повеќе

Холидеј

Радио Холидеј е приватна радио станица - концесионер која со квалитетен сигнал го покрива регионот на Општина Прилеп, Крушево, Македонски Брод, Демир Хисар, Битола и поширокиот Пелагониски регион.

Поврзани објави

Back to top button
Skip to content