Софијанова: Употребата на маслото од канабис бележи позитивни резултати

Д-р Аспазија Софијанова, специјалист педијатар на денешната научна расправа организирана од Здружението „Билка“ и Кино Култура, посочи дека употребата на канабисот, односно канабоилот, во светски рамки, укажуваат на тоа дека навистина супстанцата која што е екстрахирана и која што делува на мозочните ЦеБе1 и ЦеБе2 рецептори, има позитивно влијание, дури и кај децата.
– Маслото од канабис, канабоилот, како супстанца која има одредено дејство врз централниот нервен систем кај одредена патологија што се јавува кај децата како рефлактерни епилепсии, хипоксични семични цефалопатии или тешки аксфиксии каде што се очекува оштетување на мозокот и спречување на секундарна повреда на мозокот и нормално кај децата со спектарот на аутизам, при светските испитувања забалежа позитивно влијание, нагласи Софијанова.
Д-р Нико Беќаровски, специјалист токсиколог, наведе дека како дел од Здружението на токсиколози, бил меѓу првите во земјава кои се залагале за легализација на марихуаната за медицинска употреба, посочувајќи дека таквата одлука покажала позитивни резултати.
– Веднаш да напоменам дека од законското решение не сум задоволен, секако дека ќе се борам и понатаму, право за измена на индикационото подрачје, а понатаму во однос на измена на тоа кој може се да препишува, со оглед на тоа дека нашиот закон е премногу рестриктивен, нагласи Беќаровски.
Тој истака, дека се уште има голем дел од пациентите кои повеќе веруваат на канабисот што го добиваат од црниот пазар отколку во официјално регистрираните производи.
– Она што го забележавме по првата година од легализацијата е намалување на бројот на пациенти кои пристигнале на нашата клиника, со што сите неосновани стравови дека нагло ќе се покачи бројот на уживатели „паднаа во вода“, посочи докторот од Токсикологија.

Емил Холидеј

Технички уредник, посветен на својата работа. Негова пасија се компјутерите и следење на новите технологии.

Напишете коментар

Вашата адреса за е-пошта нема да биде објавена. Задолжителните полиња се означени со *

Pin It on Pinterest

WP Facebook Auto Publish Powered By : XYZScripts.com
РАДИО ХОЛИДЕЈ