Трагедија во прилепско
Жител на прилепското село Грушино трагично го загубил животот во несреќа со земјоделска механизација.
Според информациите, несреќата се случила додека го стартувал тракторот, по што бил зафатен од собирачка за сено прикачена на машината. Од здобиените повреди починал на местото на настанот.
На местото интервенирале полициски екипи и други надлежни служби, а за случајот бил известен и јавен обвинител.
Увидот треба да ги утврди точните околности под кои се случила несреќата.
Трагедијата повторно го отвора прашањето за безбедноста при работа со земјоделска механизација, особено во периодот кога земјоделските активности се во полн ек.