СЛУШАЈТЕ ВО ЖИВО

Економија

Студенти на платена пракса во ТИРЗ

Седум студенти и дипломци од целата држава започнуваат со три месечна неделна платена пракса во Дирекцијата за Технолошко индустриски развојни зони (ТИРЗ). Ова,како што велат од Дирекцијата, е нов концепт на пракса кој се воведува со цел на млади луѓе, покрај факултетското образование да им се даде можност да се стекнат со практично искуство и вештини.

Студентите доаѓаат од Универзитетот Свети Кирил и Методиј од Скопје, Американ колеџ, како и Штуловиот универзитет во Тетово и ќе бидат распределени во различни сектори. Праксата започнува на 3 август и ќе трае три месеци, а студентите ќе работат на проекти кои ќе ги презентираат на крајот од праксата. Практикантите беа избрани од 20 пријавени кандидати на јавниот оглас на ТИРЗ.

Воведуваме нова менторска програма преку која сакаме да ги поврземе студентите од различни сектори со ментори од ТИРЗ кои ќе работат на развивање на конкретни вештини. Верувам дека ќе го поттикнеме креативниот потенцијал кај овие млади луѓе и ќе придонесеме кон градење на нивните капацитети и усовршување. Ова е чекор напред кон креирање на стручни и професионални кадри кои ќе може да напредуваат овде, дома, изјави Јован Деспотовски директор на ТИРЗ.

 

Ова, како што додаде, е само една од програмите на ТИРЗ наменети за млади.

Со новиот концепт на работа на ТИРЗ преку таргетирани мерки и програми работиме на креирање не само на стабилни работни места, туку и на повисоки плати за наши сограѓани, особено за младите што верувам дека ќе биде јасен мотив тие да останат во земјава и тука да ја градат својата иднина, потенцира Деспотовски.

Според најавите од Дирекцијата, по завршувањето на овој циклус на платена пракса, ќе биде објавена слична програма со цел да им се даде можност за практична настава и на други студенти од земјава.

ТИРЗ е општествено одговорна институција која постојано вложува во развојот на младите преку различни програми за пракса и во компаниите кориснички, како и преку поддршка на дуалното образование, велат од Дирекцијата.

Прикажи повеќе

Холидеј

Радио Холидеј е приватна радио станица - концесионер која со квалитетен сигнал го покрива регионот на Општина Прилеп, Крушево, Македонски Брод, Демир Хисар, Битола и поширокиот Пелагониски регион.

Поврзани објави

Back to top button
Skip to content