Прослава на празникот „Илинден“ во организација на Заедницата на Македонците во Хрватска
Во организација на Заедницата на Македонците во Хрватска и Македонското друштво „Илинден“ од Риека, во Општина Локве, ќе се одржи централната прослава по повод најголемиот македонски национален празник „Илинден 1903-2022“.
Како што информираат организаторите, настанот ќе се случува во Парк шумата „Голубињак“ во Горски Котар, Општина Локве, а во рамки на програмата предвидени се поздравни обраќања, настап на МКД „Илинден“ и на музичката група „Балканика бенд“ од Крањ, Република Словенија.
Потоа ќе следи дружба со изворни песни и ора, а присутните на манифестацијата на заедничкиот ручек ќе можат да го вкусат и традиционалното гравче.
Прославата на Илинден се одржува во соработка и со помош на Советот за национални малцинства за град Риека, Советот за национални млацинства на Приморско – горанската жупанија и на црквата „Св. цар Константин и царица Елена“ од Риека.
Покровители се Советот за национални малцинства на Република Хрватска, Приморско – горанска жупанија, Град Риека и Општина Локве.
